Fuad Hüseynov, Azərbaycan Texniki Universitetinin “Standartlaşdırma və Sertifikasiya” fakültəsini bitirmişdir. Təhsil müddəti ərzində Avropa Tələbələr Forumunun bir çox tədbirlərində təşkilatçı və iştirakçı qismində yer almışdır. Peşəkar karyerasına 2011- ci ildə IT sahəsində başlamış, iki il bu istiqamətdə işlədikdən sonra Dizayn sahəsinə keçid etmişdir. Bu dövr ərzində logistika, bankçılıq sahələrində, həmçinin yerli və xarici reklam agentliklərində işləmişdir. Çalışdığı reklam agentliklərində ölkədaxili və ölkəxarici bir çox qabaqçıl şirkətlərinin vebsayt və mobil əlavələri üçün dizaynlarla yanaşı ux həllər də hazırlamışdır.
Hal-hazırda ölkənin ən böyük korporativ bankı olan PAŞA Bankda Dizayn üzrə qrup rəhbəri vəzifəsində işləyir. Bankın rəqəmsal transformasiyasında IBM və McKinsey kimi şirkətlərlə birgə fəaliyyət göstərmiş və 3 il ərzində proseslərin qurulmasında fəal iştirak etmişdir.
2021-ci ilin oktyabr ayından etibarən Code Academy komandasında “UX/UI Dizayn” tədrisi ilə məşğuldur.