Tələbələr effektiv təqdimatın hazırlanması, təqdim edilməsi, səlis nitq bacarıqlarına yiyələnmənin nəzəri əsaslarını öyrənir. Beləcə, tələbələrimiz texniki və ixtisas biliklərindən əlavə təqdimat bacarıqlarına da yiyələnərək peşəkar kadr olaraq formalaşırlar.

Talant Mərkəzində tələbələrimizin şəxsi inkişafı və gələcək iş həyatına hazırlığı kimi mühüm mövzularda təlimlər keçirilir. Uğurlu nümunələrin köməyi ilə yaxşı CV hazırlamağın yolları və müsahibəyə psixoloji, praktiki və görünüş (geyim) baxımından hazırlıqlardan bəhs olunur.

Hər bir uğurun, görülən işin texniki tərəfi olduğu kimi, onun qarşıdakılara çatdırılma, təqdim olunma hissəsi var. Talant Mərkəzi iş müsahibəsinə dəvət alan tələbələrimizə müsahibələrdə özünə inamla iştirak edib, özünü düzgün şəkildə təqdim edərək, uğur qazanmaları üçün yaxından dəstək göstərir. Bədən dilini, fikrini ifadə etmə bacarığı, insanları yeni ideya və fikrə inandırma qabiliyyəti izah edilir.

Məqsəd tələbələrin tədris müddətində ancaq texniki biliklərini deyil, həm də ünsiyyət, təqdim etmə, karyera inkişafı üçün düzgün hədəf təyin etmə qabiliyyətlərini inkişaf etdirməkdir. Tədris müddətində Talant Mərkəzi tədrisdən sonrakı iş həyatında tələbələrə lazım olacaq texniki biliklərin və davranış, ünsiyyət qaydalarının formalaşması üçün hazırlıq təlimləri keçirir.

Code Academy-yə işçi ehtiyacı üçün müraciət edən şirkətlərə və şəxslərə tələbələrimiz haqda məlumat verərək, onları sahib olduqları keyfiyyətlərə uyğun iş müraciətlərinə yönəldirik.

Arzuladıqları peşə üzrə işləmək istəyən tələbələr karyera yolunda irəliləyərkən qarşılaşdıqları çətinliklərlə və eyni zamanda iş axtarışı məsələləri ilə bağlı ehtiyac duyulduqda Talant Mərkəzindən dəstək ala bilərlər.