Hüseyn 2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” xətti ilə Türkiyənin məşhur Ege universitetində kompüter elmləri üzrə doktorantura təhsil pilləsini gənc yaşda – 29 yaşında uğurla başa vurmuşdur. Hüseyn 10 ildən çoxdur ki, Proqramlaşdırma sahəsindədir və bu müddət ərzində o, 3 fərqli korporativdə işləmişdir. İlk təcrübəsi Yapı Kredi Bank Azərbaycan şirkətində Proqram təminatı üzrə mühəndis və qrup lideri olmuşdur. Hüseyn burada İnternet bankçılığı layihəsi ilə yanaşı «Data warehouse – MIS», «Legal tracking system using data mining approach» və «SMS notification» layihələrində geniş təcrübə qazanmışdır. Daha sonra Əmlak Məsələləri Dövlət Komitəsinin İnformasiya Texnologiyaları və Məlumat İdarəetmə Mərkəzində GIS (Coğrafi məlumat sistemləri) sektorunun müdiri vəzifəsində fəaliyyətinə davam etmiş, burada işlədiyi müddətdə o, «Daşınmaz əmlakın qeydiyyatı, kadastrı və idarə edilməsi sistemi» və «Ünvan reyestri informasiya sistemi» layihələrinə rəhbərlik etmişdir. Bununla yanaşı, «Torpaqların elektron kadastr uçotu informasiya sistemi» layihəsinin koordinatoru kimi işləmişdir. Hüseyn paralel olaraq Türkiyə Ege Universitetində «Azərbaycandan atılan tvitlərin coğrafi məkanından istifadə edilərək analiz edilməsi» elmi araşdırmasını da həyata keçirmişdir. Daha sonra Hüseyn Azərbaycan Respublikası Prezidentinin İşlər İdarəsi tərəfindən dəvət almış və orada İnformasiya texnologiyaları və elektron resursların idarə edilməsi şöbəsində fəaliyyətini davam etdirir. Hüseyn həmçinin IT məhsullarının yaradılmasında vacib amillər hesab olunan – mühəndislik və idarəetmə sahələrində geniş təcrübəyə malikdir. Proqram təminatının yaradılması üçün yüksək mühəndislik təhsil və təcrübəsinə malikdir. O, “.Net” və “Python” texnologiyaları ilə bir çox layihə hazırlamış və bir çox layihələrə də rəhbərlik etmişdir. 23 aprel tarixindən etibarən isə akademiyamızda Proqramlaşdırma üzrə İnstruktor olaraq fəaliyyətinə davam edir.