ADPU-nun filologiya fakültəsini bitirmişəm. İxtisasım üzrə işləmək istəmədim və xidmət sektorlarından birində işə başladım.

Dizayna marağım əvvəldən var idi. Sadəcə vaxtım olmurdu ki, özüm məşğul olum. Elə bir yer axtarırdım ki, gündəlik bu sahə ilə məşğul olub, dərindən mənimsəyim tədrisi. Code Academy-ə gəlməmişdən 1 il öncə Baku Design School-un 1 aylıq dərslərinə getdim, keyfiyyətindən və metodikalarından razı qalmadım. Təsadüfən 1 il sonra başqa biri üçün Sistem Administratorluğu dərsləri ilə maraqlanmağa gəldiyimdə Dizayn tədrisini görüb yazılmaq qərarına gəldim.

Akademiya haqqında çox şey danışa bilərəm. Ora mənim üçün ailə, yol göstərən yer oldu. Hər gün həvəslə dərslərə gedirdim və bilirdim ki, tədrisim bitsə də Code-dan ayrıla bilməyəcəm. Elə də oldu, dərsləri bitirdim, INNOLAND Inkubasiya və Akselerasiya Mərkəzində startuplardan birində könüllü olaraq işləməyə başladım və ordan iş təklifimi aldım. 6 ay çalışdıqdn sonra, Code Academy-də UX/UI üzrə master class keçirildiyindən xəbərim oldu, həmin master class-a yazıldım 1 ay təcrübə topladıqdan sonra akademiyadan iş təklifi aldım. Burda da 1 il çalşdıqdan təcrübə topladıqdan sonra, PASHA Bankda UX/UI dizayner vakansiyası üzrə müraciət edib, işə başladım.

Hər zaman məqsədləri olmasını, çox çalışıb özlərini inkişaf etdirmələrini tövsiyə edərdim.