4-5 dəq. oxuma vaxtı
Süni intellektlə yaradılmış şəkillər artıq o qədər real görünür ki, onları real şəkillərdən ayırmaq çətinləşib. Xüsusilə Google-un Imagen və Nano Banana Pro kimi modelləri ilə hazırlanan vizuallar fotodan seçilmir.
Bəs süni intellekt ilə hazırlanmış şəkili necə seçmək olar?
Şəkil AI yoxsa real olduğunu necə anlamaq mümkündür?
Bu suallar son illərin ən çox axtarılan mövzularından biridir və Google-un təqdim etdiyi SynthID texnologiyası bu problemə cavab olaraq yaradılıb.
SynthID Nədir?
SynthID — Google tərəfindən hazırlanmış rəqəmsal su nişanı (digital watermark) sistemidir. Bu texnologiya AI ilə yaradılmış şəkillərin daxilinə insan gözü ilə görünməyən xüsusi identifikasiya kodu yerləşdirir.
Yəni şəkilə baxdığınız zaman heç bir fərq görmürsünüz. Amma texniki analiz zamanı sistem həmin görüntünün süni intellektlə yaradıldığını müəyyən edə bilir.
Bu yanaşma AI real yoxlama prosesində yeni mərhələ hesab olunur.
AI ilə Hazırlanmış Şəkilləri Necə Aşkar Etmək Olar?
Əvvəllər AI şəkillərini seçmək üçün aşağıdakılara baxılırdı:
- Əl və barmaq anomaliyaları
- Simmetriya pozuntuları
- Məntiqsiz kölgə və işıq istiqamətləri
- Detallarda bulanıqlıq
Lakin modellər inkişaf etdikcə bu vizual ipucları demək olar ki, yoxa çıxır.
Artıq əsas sual belədir:
AI yoxsa real – bunu texniki olaraq necə sübut etmək olar?
SynthID məhz bu mərhələdə işə düşür. Şəkilin içində görünməyən, amma oxuna bilən su nişanı yerləşdirilir və bu da süni intellektlə hazırlanmış şəkillərin aşkarlanmasını mümkün edir.
SynthID Hansı Platformalar Üçün Keçərlidir?
Hazırda SynthID yalnız Google AI ekosistemində aktivdir.
Bu texnologiya aşağıdakı modellər üçün tətbiq olunur:
- Google Imagen
- Nano Banana Pro
- Digər Google AI vizual alətləri
Bu sistem bütün AI platformalarına şamil edilmir. Yəni digər generativ modellərlə yaradılmış şəkillər üçün eyni identifikasiya mexanizmi mövcud deyil.
Niyə Bu Vacibdir?
Süni intellekt şəkilləri artıq media, reklam, sosial şəbəkə və hətta siyasi kommunikasiya sahələrində geniş istifadə olunur. Bu isə aşağıdakı riskləri artırır:
- Dezinformasiya
- Deepfake manipulyasiyalar
- Saxta xəbər vizualları
- Etimad böhranı
Bu səbəbdən “süni intellekt ilə hazırlanmış şəkili necə seçmək olar” sualı artıq texniki yox, sosial məsuliyyət mövzusudur.
AI texnologiyaları inkişaf etdikcə real və süni görüntülər arasındakı sərhəd daha da bulanıqlaşacaq. Gələcəkdə böyük ehtimalla bütün böyük AI platformaları öz watermark və identifikasiya sistemlərini tətbiq edəcək.
Çünki artıq əsas məsələ şəkil yaratmaq deyil.
Əsas məsələ — onun mənbəyini təsdiqləməkdir.
8-9 dəq. oxuma vaxtı
