Digital Marketing Institute-un eksklüziv tərəfdaşlığı ilə #DigitalBurada
Code Academy
Təqvim və yeniliklər
Akhundoff Group - Təsisçi və İdarə Heyətinin Sədri
Artıq bir ildən çoxdur ki, Code Academy məzunları ilə işləyirəm. Onların işə münasibəti, bilik səviyyələri və praktiki həll yollarına fokuslanmaları ciddi tədris prosesindən keçdiklərinin göstəricisidir. Code Academy-nin iş prosesində ehtiyacımız olan və işə professional yanaşan resurslar yetişdirdiyinə inamım tamdır.
Khazar Ventures - Həmtəsisçi
Code Academy-nin iş sektorunun tələblərinə uyğun yüksək potensiallı resurslar yetişdirdiyinə inanıram. Əməkdaşlıq etdiyimiz bir sıra nüfuzlu şirkətlərdə artıq Code Academy məzunları ilə rastlaşmağım bunun bariz nümunəsidir əslində.
Safaroff Creative Agency - Sahibkar
Code Academy məzunları artıq bir neçə dəfədir ki, bizim təşkil etdiyimiz dizayn yarışlarını qazanaraq birbaşa işə götürülüblər. Məzunlarının keyfiyyəti Code Academy-dəki təhsilin və tədris modelinin ciddiliyindən və peşəkarlığından xəbər verir. Bu keyfiyyəti daima qorumalarını və yeni uğurlara imza atmalarını diləyirəm.
NRYTN - Yüksək Texnologiyalar Parkı - Direktor Müavini
Code Academy Azərbaycanda İT sektorunun inkişafına öz məzunları ilə ciddi töhfə verən nümunəvi şirkətlərdəndir. İT sahəsində professional səviyyədə təhsil almış insanların sayının artdığını görmək məni sevindirir və ölkədə İT sektorunun gələcəyinə inamımı artırır.
Microsoft Azərbaycan - Təhsildə Əməkdaşlıq üzrə Menecer
Həm tədris proqramlarının effektivliyi, həm də tələbələri üçün peşəkar karyera planlaması baxımından Code Academy-nin sektorda ehtiyac duyulan bir tədris mərkəzi modeli olduğunu düşünürəm.
Jeykhun Imanov Studio - Sahibkar
Code Academy-nin məzun etdiyi insanların həyatında əvəzsiz rola malik olduğunu düşünürəm. Bizim əməkdaşlarımız arasında Code Academy-də təhsil alaraq öz karyerasını köklü şəkildə dəyişdirmiş və kreativ komandamıza qoşulmuş insanlar var. Code Academy bu yolla həm məzunlarının həyatını dəyişdirir, həm də yeni bizneslərin inkişafında ehtiyacımız olan insan resurslarını təmin edərək bizim dəyərli partyorumuza çevrilmiş olur.
Azərbaycan Beynəlxalq Bankı
Digital marketingi müxtəlif qaynaqlardan - YouTube-dan, online resurslardan da pərakəndə şəkildə öyrənə bilərdim, bəlkə. Code Academy-də öyrənməyin üstünlüyü onda oldu ki, burada dərslər Digital Marketing Institute-un kurikulumu əsasında sistemli şəkildə keçilir. Bu da mövzuları daha qısa zamanda və daha effektiv olaraq qavramağa imkan verir.
Mars Academy
Code Academy olmasa idi, digital marketing dərslərini online almağı planlaşdırırdım. Amma daha effektiv oldu ki, Code Academy-yə gələ bildim. Bilikləri birbaşa müəllimdən almaq çox effektiv oldu. İstənilən bazarda yerli xüsusiyyətlər var. Hesab edirəm ki, onları öyrənmək üçün bu mühitdə işləyən adamların təcrübələri çox qiymətlidir.
ASAN Xidmət – Proqramçı
Mənim hazırda 18 yaşım olsa da, Code Academy-də aldığım biliklər məni başlanğıc səviyyədə bir mütəxəssis kimi formalaşdırmağa kömək etdi. Ən əsası isə mən az bir müddətdə işə düzələ bildim. İş təcrübəsi olmayan gənclər üçün bunun çətin olduğunu hamı bilir. Amma yüksək texnologiyalar sektorunda əgər praktiki biliklər varsa, bu daha asandır. Code Academy də bu bilikləri verir.
Simberg Partners – Proqramçı
Code Academy-də peşəkar təhsil almaq həyatımın ən düzgün qərarlarından biridir. Bu bir faktdır ki, bu təhsil müəssisəsi karyerama real təkan verən ilk addım oldu. Universitetdə 4 ildə ala bilmədiyim veb-proqramlaşdırma sahəsi ilə bağlı vacib bilikləri Code Academy mənə qısa müddətdə öyrətdi. Code Academy-nin məzunu olduqdan bir neçə ay sonra rəsmi iş tapdım.
VXSİDA - İnnovasiyalar Mərkəzi
Biznesin təşkili və idarəedilməsi fakultəsini bitirmişəm. Universitetdə oxuduğum müddətdə hobbi olaraq şəkil çəkməklə məşğul olurdum. Çox istəyirdim ki, bu sahə üzrə iş tapım özümə. Amma iş tapa bilmirdim. Code Academy-də Qrafik və Veb Dizayn dərslərinə yazıldım. Hələ təhsilimi başa vurmamış iş təklifi gəldi. Müəllimlərin məsləhəti ilə başladım burada işləməyə.
Məzun
Code Academy-də müəllim bizə beynəlxalq sertifikatlar qazana biləcəyimizi demişdi. Qardaşım Cövhərlə imtahana girib ilk sertifkatlarımızı qazandıq. İnformasiya Texnologiyaları sahəsinə ailədən gələn maraq, onların bu sahədə əldə etdikləri nailiyyətlər bizi buna təşviq etdi. Biz hətta onları da keçmək istəyirik.
