Qəzənfər 3 ildən artıq təcrübəyə malik olmaqla 2 fərqli korporativdə işləmişdir. Karyerasına “Asan İnnovasiyalar Mərkəzi”ndə başlamış və daha sonra “Paşa Bank”da fəaliyyətini davam etdirmişdir. “Kimya Mühəndisliyi” üzrə bakalavr təhsili boyunca mühəndislik problemlərini proqramlaşdırmanın köməyi ilə asanlıqla həll edərkən bu sahəni çox sevdiyini anlamış və 2-ci kursda oxuyarkən akademiyamızda “Proqramlaşdırma” tədrisinə qoşulmuşdur. Təbiət elmlərinə marağı və təbiətin mükəmməlliyindən ilham alması ona proqramlaşdırma sahəsində də uğur qazandırmışdır. Qəzənfərin həm də bir çox dövlət qurumlarının daxili və ümumi istifadə üçün nəzərdə tutulmuş tətbiqetmələrinə qatqıları olmuş və onların operativliyini artırmaq üçün nəzərdə tutulmuş planların həyata keçirilməsində böyük rol oynamışdır.