5-6 dəq. oxuma vaxtı
Digital dünyanın əsas ehtiyaclarından biri – məlumatları anlamaq və onlardan düzgün istifadə etməkdir. Burada əsas qəhrəman Data Analitikdir. Ancaq bu sahə hələ də bir çoxları üçün aydın deyil. Bu yazıda data analitik kimdir, nə iş görür və onun rolu niyə bu qədər əhəmiyyətlidir? suallarına cavab verəcəyik.
Data Analitik Kimdir?
Data Analitik müəssisələrdə və təşkilatlarda böyük həcmli məlumatları analiz edərək faydalı nəticələr çıxaran mütəxəssisdir. Bir data analitik, yalnız məlumatı təhlil etməklə kifayətlənməz, həm də strateji qərarlar üçün əsaslar yaradır. Onlar məlumatları yalnız rəqəmlər kimi görmür, həm də bu rəqəmlərin arxasındakı hekayəni üzə çıxarır.
Daha sadə formada desək:
Data analitik, məlumatlar üzərindən “nə baş verir?”, “niyə baş verir?” və “nə baş verə bilər?” suallarına cavab tapır.
Data Analitikin Rolu Nədir?
Data analitikin işləri genişdir və bir çox sahəni əhatə edir. Data analitikin işləri genişdir və bir çox sahəni əhatə edir. Data analitik olaraq, bu sahələrdə dərin analitik bacarıqlar tələb olunur. Gəlin, onların əsas funksiyalarını araşdıraq:
Məlumatların Toplanması və Təmizlənməsi:
Məlumat hər zaman mükəmməl formada olmur. Data analitiklər məlumatları analiz üçün hazır vəziyyətə gətirir.Məsələn, sosial media kampaniyasından toplanan məlumatlarda yanlış və ya natamam girişləri düzəldirlər.
Təhlil və Nəticə Çıxarılması:
Statistik metodlardan və analiz texnikalarından istifadə edərək məlumatların mənasını anlamağa çalışırlar. Məsələn, bir e-ticarət platformasında hansı məhsulun daha çox tələb gördüyünü təhlil edirlər.
Vizualizasiyalar Yaratmaq:
Kompleks məlumatları daha anlaşılan formada təqdim edirlər – qrafiklər, diaqramlar və ya dashboardlar vasitəsilə. Nümunə olaraq satış hesabatını vizual olaraq rəhbərliyə təqdim etmələrini göstərə bilərik.
Strateji Qərarlara Dəstək:
Analitiklərin nəticələri müəssisələrə daha doğru qərarlar qəbul etməkdə yardım edir. Məsələn, bir bankın data analitiki riskli kredit müraciətlərini müəyyən edir.
Data analitik hansı sahələrdə çalışa bilər?
Data analitikləri bir çox fərqli sahələrdə işləyə bilərlər. Bu peşə məlumatların təhlili və düzgün şəkildə istifadəsi sahəsində mütəxəssis olmağı tələb etdiyi üçün müxtəlif sektorlarda geniş tətbiq sahələrinə malikdir. Data analitiklər hansı sahələr üzrə işləyə bilərlər?
Marketinq və Müştəri Təcrübəsi:
Müştəri davranışlarını təhlil edərək marketing kampaniyalarının effektivliyini ölçürlər. Burada data analitik, müştəri məlumatlarını vizuallaşdıraraq biznes qərarları üçün vacib məlumatlar təqdim edir.
Bank sektoru, maliyyə:
Risk analizi apararaq, kredit müraciətlərini qiymətləndirir və maliyyə bazarlarını izləyirlər.
Səhiyyə və Biotexnologiya:
Səhiyyə sistemlərini optimallaşdırmaq üçün verilənlərdən istifadə edərək araşdırmalar üçün statistik modellər qururlar.
Təhsil:
Tələbə performanslarını təhlil edərək təhsil prosesini optimallaşdırır və tədris proqramlarını inkişaf etdirirlər.
Texnologiya və Proqramlaşdırma:
İstifadəçi təcrübəsini optimallaşdırmaq üçün verilənləri analiz edərək yeni məhsulların inkişafına yön verirlər.
Hökumət və Dövlət Sektorları:
Xüsusilə sosial xidmətlər və qida təhlükəsizliyi sahələrində problemlərin proqnozlaşdırılması, resursların səmərəli idarə edilməsi və siyasətlərin təsirinin analizi üçün əvəzsiz rol oynayır.
E-ticarət:
Müştəri alış-veriş vərdişlərini təhlil edərək məhsul təkliflərini optimallaşdırırlar.
Data Analitik peşəsi sizin üçün uyğundurmu?
Əgər aşağıdakı bacarıqlara və maraqlara sahibsinizsə, data analitik peşəsi sizin üçün uyğun ola bilər:
- Analitik düşüncə: Məlumatlar arasında əlaqələri aşkar etməkdən zövq alırsınız.
- Statistika və rəqəmlərə maraq: Məlumatların təhlili sizə cəlb edir.
- Texnologiya ilə işləmək istəyi: Yeni proqramlar və alətlərlə işləməkdən çəkinmirsiniz.
6-7 dəq. oxuma vaxtı
