5-6 dəq. oxuma vaxtı
Bugün dünyada ən sürətlə böyüyən sahələrdən biri digital marketing-dir və bu sahədə çalışan hər bir mütəxəssisin qarşısında böyük bir fürsət qapısı var: qlobal bazar. Artıq sənin hansı ölkədə olmağın önəmli deyil. Vacib olan bilik və bacarıqlarını necə nümayiş etdirdiyindir. Əgər sən doğru strategiya hazırlayrısansa, digital marketing bacarıqlarını qlobal səviyyədə təqdim edib dünyanın istənilən yerində iş görə bilərsən.
Qlobal marketinq dünyasının ən nüfuzlu adlarından biri, müasir marketinq fəlsəfəsinin formalaşmasında böyük rol oynamış yazıçı, sahibkar olan Seth Godin demişdir:
“Səhv etməyin dəyəri heç nə etməməyin dəyərindən daha azdır.”
Qlobal bazarın ritmini anlamaq
Qlobal mühit lokaldan tam fərqlidir. İstifadəçi davranışı, bazar dinamikası, rəqib mühiti, hətta reklam platformalarının performansı belə dəyişir. Mütəxəssis kimi ilk addımın qlobal auditoriyanın psixologiyasını anlamaqdır. Bu, yalnız ingilis dili bilmək deyil, insanların hansı məzmunu daha tez mənimsədiyini, hansı vizual stilə reaksiya verdiyini və trendlərin necə formalaşdığını analiz etməkdir.
Digital marketing burada sənə data analitikası, sosial media statistikası, remarketing modelləri, A/B testlər və istifadəçi davranışı üzrə qlobal trendlərin təhlili kimi daha güclü alətlər təqdim edir.
Frilanser platformaları qlobal karyeranın qapısıdır
Upwork, Fiverr, Toptal, Contra və başqa platformalarda artıq on minlərlə digital marketing layihəsi qlobal mütəxəssislər üçün açıqdır. Sən yaratdığın portfolio, hazırladığın case-study-lər və gördüyün işlər ilə rəqiblərdən fərqlənirsən.
Burada məqsəd yalnız iş tapmaq deyil, həm də qlobal müştəri davranışını anlamaq, müxtəlif sənaye sahələri ilə işləyərək təcrübəni çoxşaxəli şəkildə böyütməkdir. Bu isə digital marketing mütəxəssisini həm yerli, həm də qlobal bazarda daha dəyərli edir.
Qlobal mühitdə CEO necə düşünməlidir?
Digital marketing sahəsində qlobal işlər görən biri kimi sənin hər addımın nəticə yönümlü olmalıdır. Burada CEO (Chief Executive Officer, icraçı direktor ) düşüncə tərzi aktivləşir:
- Strategiyanı ölçülə bilən nəticələr üzərində qurursan.
- KPI-ları (Key Performance Indicator, Əsas Performans Göstəricisi) dəqiq təyin edirsən.
- Qlobal bazarda rəqabətə davamlı olmaq üçün daim test edirsən.
Bu yanaşma səni sadəcə bir digital marketing mütəxəssisi etmir, səni fərqli düşünən, qərarları data-ya əsaslanaraq verən peşəkara çevirir.
Networking – qlobal tapşırıqların görünməyən gücü
LinkedIn artıq sadəcə sosial şəbəkə deyil qlobal karyera mühərrikidir. Burada düzgün şəxslərlə əlaqə qurmaq, iştirak etdiyin layihələri paylaşmaq, nəticələrini nümayiş etdirmək digital marketing bacarıqlarını xarici müştərilərə tanıtmağın ən effektiv yoludur.
Sən digital marketing biliklərini sistemli şəkildə inkişaf etdirib qlobal platformalarda təqdim etdikcə, sərhədlərin artıq rol oynamır. Qlobal iş modelləri, kampaniyalar və müştərilər sənə açıq olur. Və bunun üçün bəzən sadəcə peşəkar səviyyədə təhsil, güclü portfolio və davamlı öyrənmə vərdişi kifayətdir.
Bütün bu qeyd edilən bilik və bacarıqlar Code Academy-nin Digital Marketing tədris proqramı ilə mümkündür. Code Academy olaraq illərdir görürük ki, öyrənən, inkişaf edən, təcrübə qazanan tələbə və məzunlar digital marketing biliklərini qlobal arenada uğura çevirə bilirlər.
Sən də qlobal səhnəyə çıxmağa hazırsansa yol xəritəsi artıq qarşındadır 🙂
5-6 dəq. oxuma vaxtı
