4-5 dəq. oxuma vaxtı
Qrafik dizayn yalnız gözəl şəkil çəkmək və ya proqram bilmək deyil. Bu sahədə peşəkar olmaq üçün düşüncə, müşahidə və analiz bacarığı lazımdır. Aşağıdakı 5 addım sənə daha yaxşı dizayner olmağa kömək edəcək.
1. Araşdırma et
Dizayn edərkən araşdırma etmək uğurlu qrafik dizayn yaratmaq üçün vacibdir. Trendləri izləmək, rəqiblərin dizaynlarına baxmaq və hansı elementlərin niyə işlədiyini anlamaq vacibdir. Pinterest, Behance və Dribbble kimi platformalarda hər gün yeni işlərə baxmaq fikirlərini genişləndirəcək.
Bununla bağlı tanınmış dizayner Stefan Sagmeister-in belə bir sözü vardır: “Əgər bir mesaj vermək istəyirsinizsə, dizaynınızın da öz sözünü deməsinə imkan verin.”
2. Hər gün müxtəlif işlərə və portfoliolara bax
Qrafik dizayn bacarıqlarını artırmağın ən effektiv yolu gündəlik analizdir. Peşəkar dizaynerlərin portfoliolarını incələ, kompozisiya, rəng seçimi və vizual balansı analiz et. Sadəcə “xoşuma gəldi” demə, nəyə görə xoşuna gəldiyini anla. Hər dizaynın arxasında bir qərar var, həmin qərarın səbəbini tapmağa çalış. Bu yanaşma gözünü daha kəskin edəcək və öz layihələrində daha şüurlu seçimlər etməyinə kömək edəcək. Ən əsası isə, beynin zamanla yaxşı və pis dizaynı instinktiv olaraq ayırd etməyi öyrənəcək.
3. Göz zövqünü inkişaf etdir
Göz zövqü dizaynerin ən güclü silahıdır. Bunun üçün sənət, fotoqrafiya, memarlıq və moda kimi müxtəlif sahələrdən ilham al. Hər gördüyün dizaynı analiz et: rənglər bir-birini tamamlayırmı, tipografiya mesajı gücləndirirmi? Bu cür düşünmək səni yaradıcı və analitik dizaynerə çevirəcək. Daim müxtəlif vizuallara məruz qalmaq beynini yeni kombinasiyalar yaratmağa təşviq edir. Zaman keçdikcə yaxşı dizaynı uzaqdan belə tanıyacaq dərəcədə peşəkar olursan. Bu isə sənin hər layihədə daha inamlı və peşəkar qərar verməyini təmin edir.
4. Daha çox nəzəriyyəyə vaxt ayır
Bir çox yeni başlayan dizaynerlər vaxtlarını alət öyrənməyə Photoshop, Illustrator, Figma kimi proqramlara sərf edirlər. Halbuki uğurlu qrafik dizaynın əsası nəzəriyyədir: kompozisiya, kontrast, harmoniya, və vizual kommunikasiya prinsipləri. Alətlər dəyişir, amma nəzəri bilik səni hər zaman fərqləndirir. Bu biliklər sayəsində hər bir dizayn qərarını məqsədyönlü və şüurlu verə bilirsən. Nəzəriyyəni mənimsədikcə, daha az “təsadüfi”, daha çox “peşəkar” işlər ortaya çıxır. Ən əsası, istənilən aləti öyrənmə prosesin də daha sürətli və dərin olur.
5. Kommunikasiya və təqdimat bacarığını inkişaf etdir
Dizayner olmaq təkcə vizual yaratmaq deyil, həm də fikrini düzgün təqdim etməkdir. Müştəriyə və ya komandaya işini izah etməyi öyrən. Niyə bu rəngləri seçdin, niyə bu kompozisiyanı qurdun, bunları aydın izah edə bilmək səni daha peşəkar göstərəcək.
Code Academy olaraq deyə bilərik ki, qrafik dizayn sadəcə proqramları öyrənmək deyil bu, düşüncə tərzidir. Araşdır, analiz et, nəzəri biliklərini möhkəmləndir və hər gün öz zövqünü inkişaf etdir. Unutma, uğurlu dizayner olmaq üçün təkcə texniki deyil, yaradıcı və düşüncəli olmaq da vacibdir.
Bloq mətnində Akademiyamızın qrafik dizayn məzunlarından bir neçəsinin dizayn işlərini görə bilərsən. Əgər sən də öz dizaynını yaratmaq istəyirsənsə elə indi müraciət et !
9-10 dəq. oxuma vaxtı
