Tələbələr proqramlaşdırmanın məntiqi əsaslarını və struktural yanaşmasını öyrənirlər. Alqoritmlər üzərindən düşünmə tərzi formalaşır, problemlərə mərhələli yanaşma bacarığı inkişaf edir. C# dili vasitəsilə yazılan kodlar real tətbiq yönümlü olur: funksiyalar, şərt operatorları, dövrlər və məlumat strukturları kimi fundamental anlayışlarla bərabər, kodun strukturlaşdırılması və təmiz yazılması kimi peşəkar vərdişlər aşılanır. Bu bacarıq bazası istənilən layihəyə giriş üçün zəruri olan texniki əsasları yaradır. a. Alqoritmlər və diaqramlarla problem həlletmə b. C# dilində təmiz və strukturlaşdırılmış kod yazma c. Obyekt yönümlü proqramlaşdırma (OOP) bacarıqları

Proqramın ən unikal hissəsi — tələbələrin süni intellektlə interaktiv şəkildə işləmə bacarığıdır. GitHub Copilot və ChatGPT kimi alətlərlə kodun generasiyası, mövcud kodun refaktoru, sintaktik səhvlərin tapılıb düzəldilməsi və sənədləşmənin avtomatlaşdırılması təcrübəsi əldə olunur. Tələbə təkcə kod yazmağı deyil, AI-dən necə düzgün sorğu (prompt) ilə istifadə etməyi də öyrənir. Bu bacarıq iş həyatında proqramçının məhsuldarlığını artırır və onun komandada “AI ilə işləyə bilən biri” kimi fərqlənməsinə səbəb olur. a. ChatGPT və Copilot ilə kod generasiyası və dəyişiklik b. AI ilə debugging və refactoring c. Kod sənədləşdirməsini AI ilə avtomatlaşdırma

C#, Java, Python, JavaScript dillərində qarşılaşdırmalı təhlillərlə texnologiya agnostik düşüncə formalaşdırır

AI ilə işləyən komandaların tərkibində kod paylaşmaq, versiya nəzarəti və buraxılış layihəsini juri qarşısında təqdim etmək təcrübəsi qazanır.

Bu blokda tələbələr SQL və NoSQL məlumat bazaları ilə işləməyi, mürəkkəb sorğular qurmağı və məlumatların optimallaşdırılmış şəkildə saxlanmasını öyrənirlər. Əlavə olaraq Entity Framework ilə ORM (Object-Relational Mapping) tətbiq olunur ki, bu da kod və məlumat bazası arasında avtomatik əlaqə qurmağa imkan verir. Fluent API, migration və real-world data modelləşdirmə kimi peşəkar alətlərlə tanışlıq nəticəsində tələbələr real layihələrdə məlumat bazası dizayn və idarəsini sərbəst şəkildə həyata keçirə bilirlər. a. SQL və NoSQL əsasları, mürəkkəb sorğular yazma b. Entity Framework və Fluent API ilə ORM tətbiqi c. Data model dizaynı və performans optimizasiyası

ASP.NET Core müasir backend web tətbiqlərinin əsas texnologiyalarındandır. Bu blokda tələbə server tərəfli web arxitekturası, routing, authentication, middleware, API quruluşu və təhlükəsizlik tədbirləri ilə işləməyi öyrənir. Frontend ilə inteqrasiya (HTML, CSS, JS) sayəsində tələbə həm məlumatı serverdə işləyib, həm də istifadəçiyə düzgün şəkildə çatdırmağı bacarır. Bu bacarıq istənilən şirkətdə veb əsaslı məhsulların arxa planını qurmaq üçün tələb olunur. a. ASP.NET Core ilə backend strukturu qurmaq b. Web API-lər, middleware, routing və security c. HTML, CSS və əsas JavaScript interfeysləri ilə inteqrasiya

Kod yazmaq sadəcə başlanğıcdır — onu real dünyaya çatdırmaq isə tam fərqli bacarıq tələb edir. Bu blokda tələbələr sıfırdan bir “Booking App” layihəsi qururlar və onu tam deploy vəziyyətinə gətirirlər. Layihə boyunca version control (Git, GitHub), containerization (Docker), deployment və CI/CD (Continous Integration / Continous Delivery) metodları tətbiq olunur. Bu sayədə tələbə kodu yalnız yazmaqla kifayətlənmir, onu real serverə yerləşdirməyi və idarə etməyi də bacarır. Unit testlər, integration testlər, DevOps alətləri və CI/CD axınları ilə proqram təminatının sabit şəkildə işləməsini təmin edir. a. Booking App – sıfırdan real bir layihə yazmaq b. Hosting, logging, caching və background service-lər c. Git, GitHub, CI/CD və real deploy təcrübəsi