Bu modul tamamilə illustrasiyaya aid olmaqla Adobe Illustratorun interfeysi, menular və alətlərindən istifadəsini əhatə edir. Həmçinin, rəng nəzəriyyəsi, Yohannes İtten rəng çarxı, tək və qradient rənglərdən istifadə, rəng paletinin yaradılması üsulları, yerindən asılı olaraq rənglərdən doğru istifadə izah edilir. Hər yeni alət mənimsənildikcə onların praktikada tətbiqi və dolğun illustrasiyaların yaradılması öyrədilir.

Bu modul tədris planının əsasını təşkil etməklə After Effects-in interfeysini, onun digər Adobe proqramları ilə bağlılığını izah edir. Animasiya prinsiplərini tam əhatə etməklə parktiki tapşırıqlar üzərindən proqramın alətlərindən düzgün və yerində istifadəsi öyrədilir. Animasiyanın prinsipləri, shape layer-lərin modifikatorları, mask etmə üsulları, "keyframe" və "graph editor" anlayışı, "morphing" və stilləşdirmə kimi mövzular detallı izah olunur.

Text animasiyasının istifadə yerlərini və qaydalarını izah edən bu modul text modifikatorları ilə animasiya, lower third animasiyası və Lettering animasiyası olmaqla üç hissədən ibarətdir. Text animasiyasının texnikalarına yiyələndikdən sonra After effects proqramına mahnı yükləyərək və textlərin mahnıya uyğunlaşdıraraq Stomp animation hazırlanması izah edilir.

After Effects-in imkanlarını genişlətmək üçün müxtəlif plugin, script, istifadəçinin işini asanlaşdırmaq üçün isə kodlamalara ehtiyac duyulur. Bu modulda After Effects-in həm yeni, həm də daxilindəki plugin-lərdən istifadə izah edilir.

Personaj animasiyasının üsullarının izahı, animasiyanın prinsiplərinin personaj animasiyasına tətbiqi, personajın gəzmə, qaçma, velosiped sürmə, üz ifadələri və danışma, süni 3d effektləri mövzularını əhatə edən bu modulda tələbələr personaj animasiyasının sirləri ilə tanış olurlar. Bununla yanaşı tələbələr üç yeni scriptin tətbiqi bacarıqlarına da yiyələnirlər.

Qrafik dizaynla və səs effetləri ilə sıx əlaqədə olduğunu nəzərə alaraq Motion dizaynerin az da olsa Adobe Photoshop və Adobe Premiere Pro proqramlarının interfeysi ilə tanışlığı zəruridir. Bu səbəbdən hər iki proqramla ilkin tanışlıq, Adobe Photoshop proqramında posterin yığılması və Adobe Premiere Pro proqramına səs effektləri və müsiqinin əlavə edilməsi keçirilir.

Artıq xeyli vaxtdır ki, 3D animasiyalar günümüzün tələbləri sırasında yer alır. Bu modulda məhz bu mövzuya toxunularaq, After Effectsin imkanları çərçivəsində 3D obyektlərin yaradılması və animasiya edilməsi, səhnələrin yaradılması və Parallax effekti izah edilir.