7-8 dəq. oxuma vaxtı
2024-09-24
Süni intellekt (AI) maşınların insana bənzər formada düşünmə və qərar qəbul etmə qabiliyyətinə sahib olması üçün yaradılan texnologiya sahəsidir.
AI sistemləri öyrənmə, məntiq yürütmə, məlumat analizi və problemləri həll etmə kimi funksiyaları yerinə yetirir. Bu texnologiya, xüsusilə avtomatlaşdırma, robotika, təbii dil emalı və maşın öyrənməsi kimi sahələrdə geniş tətbiq olunur.
Süni intellektin bir neçə növü mövcuddur, bəzi nümunələr gətirək:
– Maşın öyrənməsi (Machine Learning, ML) məlumatlardan öyrənərək dəqiq proqnozlar verən alqoritmləri əhatə edir. Böyük dil modelləri (Large Language Models, LLM), məsələn, təbii dil anlayışını və emalını həyata keçirən sistemlərdir.
– Neyron şəbəkələr (Neural Networks) insan beyni prinsiplərinə əsaslanan kompleks strukturları təqlid edərək, xüsusi analitik problemlərin həllində istifadə olunur.
– Bundan başqa, dərin öyrənmə (Deep Learning), gücləndirici öyrənmə (Reinforcement Learning) və ekspert sistemləri kimi digər SI alt sahələri də mövcuddur. Bu növlər bir-birini tamamlayaraq müxtəlif sektorlarda üstünlüklər təmin edir.