Server tərəfində production səviyyəli tətbiqlər hazırlayırsınız. Biznes məntiqi, təbəqələnmiş arxitektura, xətaların idarə olunması və performans üzərində işləyirsiniz. Tədrisdə C# və .NET-dən istifadə olunur. Qazandığınız mühəndislik yanaşmasını isə digər proqramlaşdırma dillərində də tətbiq edə bilərsiniz.

Relational database dizayn edir, cədvəllər arasında əlaqələr qurur, indekslərlə işləyir və mürəkkəb SQL sorğuları yazırsınız. Data modelləşdirmə backend mühəndisliyinin təməl bacarıqlarından biridir.

Tətbiqi ORM vasitəsilə database-ə bağlamağı, migration-lar və əlaqələrlə işləməyi, sorğuları optimallaşdırmağı öyrənirsiniz. Eyni zamanda ORM-in hansı hallarda kömək etdiyini, hansı hallarda isə məhdudiyyət yaratdığını anlayırsınız. Bu mərhələdə Entity Framework Core-dan istifadə olunur.

Böyük dil modellərini tətbiqə inteqrasiya edir, chat axını, strukturlaşdırılmış cavablar, streaming və tool calling ilə işləyirsiniz. Bu yanaşma konkret model provayderindən asılı deyil.

RESTful API qurur, autentifikasiya və icazə modellərini tətbiq edirsiniz. OWASP Top 10, prompt injection riskləri və secret-lərin idarə olunması ilə işləyirsiniz. Təhlükəsizliyi tətbiqin dizayn mərhələsindən nəzərə almağı öyrənirsiniz.

HTML, CSS və JavaScript-dən başlayır, server-side rendering, MVC və şablon sistemlərinə keçirsiniz. Brauzerdə və serverdə gedən proseslərin bir-biri ilə necə əlaqələndiyini öyrənirsiniz.

Vector database ilə axtarış qurur, RAG pipeline hazırlayır və qərar verə bilən agent yazırsınız. Eval dataset və LLM-as-judge vasitəsilə həmin AI feature-in keyfiyyətini ölçürsünüz. Bu yolla həqiqətən işləyən AI həllini yalnız işləyirmiş kimi görünən həllərdən ayırd etməyi öyrənirsiniz.

Tətbiqi container-ə yığır, CI/CD pipeline qurur və cloud-a deploy edirsiniz. Testing, resilience və observability vasitəsilə tətbiqin canlı mühitdə stabil işləməsini təmin etməyi öyrənirsiniz.